Þegar mér kennir til....

Ég las það á netinu að nú væri búið að kippa í lag villu, sem slæddist inn í texta Bubba um Rómeó og Júlíu. Flytjendur eru  Jógvan og Friðrik Ómar. Það er ágætt mál. Það er bara svolítið sniðugt að lesa um það hversu skáldið Bubbi var svakalega spældur og pirraður yfir þessari villu. Hann er nefnilega að syngja nýtt eða nýlegt lag sjálfur. Þar kemur þessi ömurlega setning: Þegar mér kennir til......! Þetta finnst honum allt í lagi. Þessi málvilla er með öllu óskiljanleg komin á plast og enginn rekur augun í þetta og bendir manninum á þessa endemis þvælu. Ég slekk þegar ég heyri þetta lag. Þetta er einfaldlega ekki boðlegt. Vona að Bubbi drífi sig sjálfur í viðgerð á textanum sínum og sendi þetta rétt út. Menn kasta ekki steinum, sem búa í glerhúsi.

Ósannindi Sigmundar Ernis..

   Ég rak augun í smá klausu í Morgunblaðinu í dag 28. ágúst. Þar er yfirskrift: Baðst afsökunar á MISTÖKUM og MÁLINU LOKIÐ!!!? Þessi grein er alveg furðuleg vegna þess að ölvíma Sigmundar í vinnunni og lýgin eru orðin að aukaatriði, en HEGÐUN þingmannanna, sem sátu þarna væntanlega edrú var ekki nógu góð? Hvar er siðferðið? Sjá menn ekki að það er ólíðandi að ljúga að fólkinu í landinu. Þingmaðurinn Sigmundur laug! Það eitt er brottrekstrarsök. Hann hefur fyrirgert rétti sínum til að sitja á þingi. Axlið nú ábyrgð Fylking og standið saman. Styðjið flokksbróður ykkar út af þingi.

Ósannindi Sigmundar Ernis..

    Mikil umræða hefur skapast í vikunni um hegðun Sigmundar Ernis á hinu" háa" ALÞINGI Íslendinga. Menn hafa skrifað á bloggsíður og velt því fyrir sér ,hvað alþingismaðurinn hafi drukkið mikið/ lítið eða hreinlega hvolft í sig! Það er bara ekki aðalatriðið í þessu máli. Sigmundur Ernir gerði sig sekan um ósannsögli. Hann laug að þjóðinni í stað þess, að viðurkenna þá staðreynd, að hann hafi verið undir áhrifum áfengis!  Þessi maður hefur glatað trausti þeirra, sem kusu hann á þing. Hann hefur brugðist sínum samstarfsmönnum. Ekkert annað en afsögn kemur til greina í þessu sorglega máli.  Annað er óverjandi. Þetta mál er ekki hægt að svæfa.

Tvískinnungur eða ..?

Held að Björk og hennar hljómsveit ættu bara að láta það vera að syngja gegn virkjunum hér sem annars staðar! Ástæðan er sú, að án rafmagns myndi nú heyrast lítið í söngkonunni frægu og hennar hljómsveit. Fáir eru háðari rafmagni en hljómsveitir. Hvernig verður rafmagn til? Hvað Bubba varðar finnst mér um hann: Breyttur Bubbi.  Hann er löngu hættur að syngja um frystihús og sjóinn. Nú syngur hann bara laglegar ballöður um ljúft líf. Gott og vel. Hann er fjarri almúgamanninum, sem söng um hið erfiða líf og baslið að lifa og eiga fyrir salti í grautinn. Menn verða að hafa efni á að mótmæla. Vera sannir í baráttunni. Annað er tvískinnungur.

Bubbi liggur undir ámælum

Urður á leið heim.

Það er gott að eigandi hvolpsins gaf sig fram. Hann hefði  mátt gera það fyrr að mínu mati. Það er mikil ábyrgð að eiga dýr það vita þeir sem eiga. Ég fæ ómögulega skilið af hverju eigandinn/eigendur tilkynntu ekki hvarf hvolpsins strax! Þar finnst mér skorta algjöra ábyrgð í þessu annars dularfulla máli. Hvolpurinn týnist frá eiganda. Hvolpurinn lendir í höndum dýraníðings/níðinga. Grafinn lifandi. Sólarhringur líður ,myndir settar í fjölmiðla af dýrinu og sagt frá hörmulegri meðferð þess. Þá gefur eigandinn sig fram og leggur sína sögu á borð lögreglu  og þykir trúverðugur. Gott og vel. Hundurinn fer heim. Þar sem mér þykir þessi framvinda málsins afar sérkennileg fer ég fram á að þjóðinni verði sagður sannleikurinn í þessu máli svo langt sem hann nær til þessa dags. Fréttunum var dembt inn á gólf hjá þjóðinni um þennan hrylling. Af hverju kemur ekki eigandinn fram og gefur skýringar á því ,sem að honum snýr. Það eru ansi margir sem tóku þetta mál afar nærri sér og yrðu þakklátir fyrir að heyra sögu eiganda/eigenda frá fyrstu hendi. Megi dýrið eiga góða ævi hjá eigendum sínum.

Hvolpurinn afhentur eigandanum